Aşqabadda dost və qardaş şəhərlərin merlərinin beynəlxalq toplantısı keçirilib
Aşqabad, 20 may, AZƏRTAC
Türkmənistan Ticarət və Sənaye Palatasında Aşqabadın qurulmasının 140 illiyi münasibətilə dost və qardaş şəhərlərin merlərinin hibrid formatda toplantısı keçirilib.
AZƏRTAC xəbər verir ki, Bakı Şəhər İcra Hakimiyyətinin başçısı Eldar Əzizovun onlayn formatda qatıldığı tədbirdə Kabil, Daşkənd, Nur-Sultan, Həştərxan, Sankt-Peterburq, Moskva, Kişineu, Pekin, İstanbul və digər şəhərlərin merləri və idarə rəhbərləri iştirak ediblər.
Natiqlər Aşqabadın Orta Asiyanın ən gözəl şəhərlərindən birinə çevrildiyini, zəngin tarixi keçmişə malik olduğunu, hazırda dünya səviyyəli metropol, milli texnoloji tərəqqi və yenilik mərkəzi olduğunu qeyd ediblər. Bundan başqa, şəhərlər arasında qarşılıqlı dostluq, şəhər iqtisadiyyatının müxtəlif sahələrində dəstək və qarşılıqlı münasibətlər üzərində qurulmuş ikitərəfli əlaqələri vurğulayıbar.
Çıxış edənlər Aşqabadla qurulmuş dostluq və qardaşlıq əlaqələrini yüksək qiymətləndirdiklərini bildiriblər.
İclas iştirakçılarına Türkmənistan paytaxtının nailiyyətlərindən bəhs edən videoçarx nümayiş olunub.
İlahə Əhmədova
AZƏRTAC-ın xüsusi müxbiri
Aşqabad
Bölmənin digər xəbərləri
