Aşqarlar Kimyası İnstitutunun fəaliyyəti xüsusi karantin rejiminin tələblərinə uyğun bərpa olunub
Bakı, 6 may, AZƏRTAC
AMEA prezidenti, akademik Ramiz Mehdiyevin “Azərbaycan Respublikası ərazisində xüsusi karantin rejiminin uzadılması ilə əlaqədar AMEA əməkdaşlarının işə davamiyyətinin tənzimlənməsi haqqında” 2020-ci 4 may tarixli sərəncamına əsasən Aşqarlar Kimyası İnstitutunda işçilərin fəaliyyəti qismən bərpa olunub.
İnstitutdan AZƏRTAC-a bildirilib ki, uzadılmış karantin rejimində fəaliyyətin təmin edilməsi üçün Kadrlar şöbəsi yaşı 65-dən aşağı olan, gündəlik işə çıxmaları vacib əməkdaşların sayını (ümumi əməkdaşların sayının 30 faizindən çox olmaması şərtilə) müəyyənləşdirib və onların adı “icaze.e-gov.az” portalına yerləşdirilib.
Xüsusi karantin rejiminin qaydalarına uyğun olaraq institut binasının iş otaqları dezinfeksiya edilib və işə çıxan əməkdaşlar qoruyucu maska, spirt, antiseptik gel və digər vasitələrlə təmin olunub.
Bölmənin digər xəbərləri
