Astara rayonunda icazəsiz ova cəhd edən şəxs min manat cərimələnib
Bakı, 16 oktyabr, AZƏRTAC
Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsinin əməkdaşları Astara rayonu ərazisində icazəsiz ova cəhd edən şəxsi saxlayıblar.
Nazirliyin mətbuat xidmətindən AZƏRTAC-a bildirilib ki, araşdırma zamanı brakonyerin rayon sakini Emil Kazımov olduğu müəyyənləşib. Ondan ov tüfəngi və digər ov alətləri götürülüb.
Faktla bağlı E.Kazımov barəsində protokol tərtib edilib və o, inzibati qaydada 1000 manat məbləğində cərimələnib.
Bölmənin digər xəbərləri
