ASTARADA ƏHALİNİN MƏŞĞULLUĞUNA DİQQƏT ARTMIŞDIR

15.01.2006 [19:24]
Çap et
A⁺ A^-

AZƏRTAC-ın müxbiri xəbər verir ki, regionların sosial-iqtisadi inkişafı Dövlət Proqramına müvafiq olaraq Astara rayon məşğulluq mərkəzində 2005-ci ildə əhalinin daimi iş yerləri ilə təmin edilməsi, vətəndaşların tələb və təkliflərinin tənzimlənməsi sahəsində bir sıra tədbirlər həyata keçirilmişdir.

Yola saldığımız ildə mərkəzdə qeydə alınmış 340 işaxtaran vətəndaşdan 296 nəfəri daimi işlə təmin olunmuşdur.

Məşğulluq mərkəzi tərəfindən 2005-ci ildə keçirilən əmək yarmarkasında rayonun qeyri-məşğul əhəlisinə 208 boş iş yeri təklif olunmuş, həmin tədbirdə 30 nəfər işaxtaran vətəndaşa daimi işlə təmin olunması məqsədilə göndəriş vərəqəsi verilmişdir.

Mərkəzin nəzdində fəaliyyət göstərən «Şiyəkəran» və «Şahağac» kənd təsərrüfatı müəssisəsində isə 30 nəfər işlə təmin olunmuşdur.

ASTARADA ƏHALİNİN MƏŞĞULLUĞUNA DİQQƏT ARTMIŞDIR

MÜƏLLİFLƏ ƏLAQƏ