ASTARADA HEYDƏR ƏLİYEVİN ANADAN OLMASININ 85 İLLİYİNƏ HƏSR OLUNMUŞ ELMİ-PRAKTİKİ KONFRANS KEÇİRİLMİŞDİR
AZƏRTAC xəbər verir ki, Astara rayon mərkəzi kitabxanasında ümummilli liderimiz Heydər Əliyevin anadan olmasının 85 illik yubileyinə həsr olunmuş «Heydər Əliyev müstəqil Azərbaycan dövlətinin banisidir» mövzusunda elmi-praktiki konfrans keçirilmişdir.
Tədbir iştirakçıları əvvəlcə şəhərin mərkəzi meydanında ulu öndərin abidəsinin önünə gül dəstələri düzmüş, xatirəsini ehtiramla yad etmişlər.
Yeni Azərbaycan Partiyası Astara rayon təşkilatının sədri Natiq İbadov yığıncaqda çıxış edərək dünya şöhrətli siyasətçi Heydər Əliyevin Azərbaycan xalqı və dövləti qarşısında əvəzolunmaz xidmətlərindən danışmış, onun siyasi irsinin dövlətimizin başçısı tərəfindən uğurla davam etdirildiyini bildirmişdir.
Rayon mərkəzləşmiş kitabxana sisteminin direktoru Nazim Fərəməzovun məruzəsi dinlənilmişdir.
Elmi-praktik konfransda çıxış edənlər müdrik rəhbərimizin Astara rayonuna səfərlərindən, bu səfərlər zamanı onunla görüşlərindən danışmış, böyük öndərin rayon əhalisinə göstərdiyi diqqət və qayğını yüksək qiymətləndirmişlər.
Bölmənin digər xəbərləri
