ATƏT-İN PARLAMENT ASSAMBLEYASININ 12-Cİ SESSİYASI ÖZ İŞİNƏ BAŞLAMIŞDIR
İyulun 5-də Niderlandın Rotterdam şəhərində ATƏT-in Parlament Assambleyasının 12-ci sessiyası öz işinə başlamışdır. Azərbaycan Respublikasını sessiyada Milli Məclisin ATƏT-in Parlament Assambleyasındakı nümayəndə heyətinin rəhbəri, Milli Məclisin iqtisadi-siyasət daimi komissiyasının sədri Səttar Səfərovun başçılıq etdiyi deputat qrupu təmsil edir. Sessiya davam edir. İyulun 6-8-də keçiriləcək siyasət və təhlükəsizlik, iqtisadiyyat, elm, texnologiya və ətraf mühit, demokratiya, insan hüquqları və humanitar məsələlər üzrə ümumi və baş komitələrin iclasları keçiriləcəkdir. Bu iclaslarda Azərbaycan nümayəndələri dinləmələrdə, müzakirələrdə, qətnamələrdə düzəlişlər aparılmasında və onların qəbul edilməsində iştirak edəcəklər. Sessiya iyulun 9-da Yekun sənədi qəbul etməklə işini başa çatdıracaqdır.
Bölmənin digər xəbərləri
