ATGTİ-nin “Tələbə təcrübə proqramı”nın təqdimatı olmuşdur
Bakı, 14 noyabr (AZƏRTAC). Noyabrın 14-də “Park İnn” mehmanxanasında Azərbaycan Tələbə Gənclər Təşkilatları İttifaqının (ATGTİ) reallaşdırdığı “Tələbə təcrübə proqramı”nın təqdimatı keçirilmişdir.
AZƏRTAC xəbər verir ki, tədbirdə ATGTİ-nin sədri Şahin İsmayilov, eləcə də Gənclər və İdman Nazirliyi, “Təmiz Şəhər” ASC və “Sağlam ailə” tibb mərkəzinin nümayəndələri, 70-ə yaxın özəl və dövlət qurumunun təmsilçiləri iştirak etmişlər.
Qeyd edilmişdir ki, ATGTİ-nin həyata keçirdiyi bu proqram dövlət qurumları və özəl şirkətlərlə əməkdaşlıq çərçivəsində tələbələrin bir çox müəssisələrdə təcrübə keçməsini təmin edir.
Diqqətə çatdırılmışdır ki, indiyədək “Atəşgah Sığorta”, “Bakıelektrikşəbəkə” ASC, “Bank Respublika”, “Ömür” klinikası, Ekologiya və Təbii Sərvətlər Nazirliyi, “Təmiz Şəhər” ASC ilə birgə həyata keçirilən təcrübə proqramlarında 60-dan çox tələbə iştirak etmişdir.
Bölmənin digər xəbərləri
