Auditorlar Palatası Şurasının iclası keçirilib
Bakı, 10 avqust, AZƏRTAC
Avqustun 10-da Auditorlar Palatası Şurasının videokonfrans formatında növbəti iclası keçirilib.
Palatanın mətbuat xidmətindən AZƏRTAC-a bildirilib ki, şura üzvlərinin və Auditorlar Palatasının Şurası yanında komitə sədrlərinin iştirak etdiyi videokonfransda qurumun 2021-ci ilin I yarımili üzrə fəaliyyətinin yekunlarına dair, dempinqə yol verən auditor təşkilatları və sərbəst auditorların cəzalarının sərtləşdirilməsi üzrə təkliflərin hazırlanması, korrupsiyaya, PL/TM və kölgə iqtisadiyyatına qarşı mübarizədə auditorların öhdəliklərinə həsr olunmuş tematik kursların, treninq və praktik məşğələlərinin təşkil edilməsi, mühasibat uçotu və audit sahəsində ali təhsil müəssisələrində tədris proqramlarının innovasiyaların tətbiqi nəzərə alınmaqla təkmilləşdirilməsinə dair təkliflərin hazırlanması, inteqrə olunmuş hesabatlılığın aparılmasının auditinin qanunvericiliklə təsbit olunması, Auditorlar Palatasının Əsasnaməsində dəyişiklik edilməsi, Auditorlar Palatasının üzvlük haqqı üzrə vaxtı ötmüş və ümidsiz debitor borclarının balansdan silinməsi, Maliyyə Hesabatları praktik vəsaitinin nəşri barədə məsələlər müzakirə olunub və müvafiq qərarlar qəbul edilib.
Bölmənin digər xəbərləri
