AVARÇƏKMƏ ÜZRƏ AZƏRBAYCAN BİRİNCİLİYİNDƏ 120-DƏK İDMANÇI MÜBARİZƏ APARACAQDIR
Azərbaycan Milli Avarçəkmə Federasiyasının mətbuat xidmətindən AZƏRTAC-a bildirmişlər ki, sentyabrın 12-də Mingəçevir şəhərindəki “Kür” Təlim-Tədris Mərkəzində yeniyetmələr arasında akademik, kayak və kanoe qayıqlarında avarçəkmə üzrə respublika birinciliyinin startı veriləcəkdir.
Üç gün davam edəcək ölkə birinciliyində 1990-91, 1992-93 və 1994-95-ci il təvəllüdlü idmançılar mübarizə aparacaqlar.
Çempionatda ilk dəfə 7 klub və cəmiyyəti təmsil edən 120-dən çox idmançı mükafatlar uğrunda mübarizəyə qatılacaqdır. Yarışlara ilk dəfə olaraq qadın avarçəkənlər də qoşulacaqlar. Akademik avarçəkmə növündə 5, kayak növündə isə 1 qız idmançı qüvvəsini sınayacaqdır.
Ölkə birinciliyi 2012-ci il Sinqapur Yay Olimpiya oyunlarına lisenziya xarakterli yarışlara hazırlıq və daha istedadlı avarçəkənlərin seçimi məqsədi ilə təşkil olunacaqdır.
Bölmənin digər xəbərləri
