AVROPA AZƏRBAYCANLILARI KONQRESİNİN NÖVBƏTİ KONFRANSI KEÇİRİLƏCƏKDİR

17.01.2006 [12:44]
Çap et
A⁺ A^-

AZƏRTAC xəbər verir ki, yaxın vaxtlarda Avropa Azərbaycanlıları Konqresinin növbəti konfransı keçiriləcəkdir. Xarici Ölkələrdə Yaşayan Azərbaycanlılarla İş üzrə Dövlət Komitəsinin mətbuat xidmətinin məlumatına görə, konfransda təşkilatın ötən dövrdəki fəaliyyəti, Azərbaycan icmaları ilə əlaqələrin gücləndirilməsi, ölkəmiz haqqında həqiqətlərin dünya ictimaiyyətinə çatdırılması istiqamətində işin təkmilləşdirilməsi ilə bağlı məsələlər müzakirə olunacaqdır. AAK-da bəzi struktur dəyişikliklərinin ediləcəyi də gözlənilir.

Konfransda Azərbaycan icmalarının türk və yəhudi diasporu ilə əməkdaşlıq imkanları, Avropada Azərbaycan lobbisinin yaradılması istiqamətində görüləcək işlər, AAK-ın digər regionlardakı federasiya və təşkilatlarla əlaqələrinin yaradılması, qurumun operativ idarə olunması məqsədi ilə daimi qərargahın yaradılması və s. məsələlər də diqqət mərkəzində olacaqdır.

Dövlət Komitəsinin AAK-ın rəhbər strukturları və üzv təşkilatlarla birgə hazırladıqları təkliflər əsasında Kofransın proqramı və gündəliyi təsdiqlənəcək və tədbirin dəqiq vaxtı müəyyənləşdiriləcəkdir.

AVROPA AZƏRBAYCANLILARI KONQRESİNİN NÖVBƏTİ KONFRANSI KEÇİRİLƏCƏKDİR

MÜƏLLİFLƏ ƏLAQƏ