AVROPA BİRLİYİNİN 25 DÖVLƏTƏDƏK GENİŞLƏNMƏSİ HƏLƏ SON HƏDD DEYİL
AZƏRTAC xarici informasiya agentliklərinə istinadla xəbər verir ki, Böyük Britaniyanın Baş naziri Toni Bleyer Fransanın “Mond” qəzetinə müsahibəsində əmin olduğunu bildirmişdir ki, mayın 1-də Avropa Birliyinə yeni dövlətlərin qəbul ediləcəyi sayəsində onların sayının 25-ə çatacağı hələ son hədd deyildir. Bolqarıstan və Rumıniya da öz növbəsini gözləyir və şübhəsiz, iki-üç il ərzində AB-yə qəbul olunacaqlar.
T. Bleyer vurğulamışdır ki, Türkiyə və Xorvatiya da düzgün istiqamət götürmüşlər və Böyük Britaniya bu iki namizədi alqışlayır. Biz hesab edirik ki, Türkiyə AB-yə daxil olmaq üçün zəruri meyarlara uyğun gələrsə, bu, Birliyin imkanlarını daha da genişləndirər və onun burada iştirakı İslam dünyası ilə əlaqələri qaydaya salar.
