AVROPA ŞURASININ MƏDƏNİYYƏT ÜZRƏ RƏHBƏR KOMİTƏSİNİN YIĞINCAĞI KEÇİRİLMİŞDİR
Azərbaycanın Avropa Şurası (AŞ) yanındakı daimi nümayəndəliyindən AZƏRTAC-ın müxbirinə bildirmişlər ki, Strasburqda AŞ-nin Mədəniyyət üzrə Rəhbər Komitəsinin növbəti yığıncağı keçirilmişdir. Yığıncaqda mədəniyyətlərarası dialoq məsələsi, Avropa Şurasının bir sıra sənədləri və proqram layihələri müzakirə olunmuş, bəzi sahələrdə müəyyən razılıq əldə edilmişdir.
Azərbaycanın daxil olduğu STAGE proqramının davamı sayılan Kiyev Təşəbbüsünün əsas prinsip və məqsədləri də müzakirə edilmiş, müvafiq təkliflər irəli sürülmüşdür. Sonda yekun sənədi qəbul olunmuşdur.
Yığıncaqda Azərbaycanı mədəniyyət və turizm nazirinin müavini Sevda Məmmədəliyeva təmsil etmişdir.
Bölmənin digər xəbərləri
