AVROPA ŞURASININ MÜŞAHİDƏ MİSSİYASI AZƏRBAYCANDADIR
AZƏRTAC xəbər verir ki, Avropa Şurasının Xüsusi Komitəsinin seçkiqabağı müşahidə missiyasının üzvləri Milli Məclisə mayın 13-də keçiriləcək təkrar seçkilərə hazırlığın vəziyyətini öyrənmək üçün Azərbaycana gəlmişdir. Missiyanın rəhbəri Leo Platvoyet isə aprelin 27-də Bakıda olacaqdır.
Milli Məclisin beynəlxalq münasibətlər və parlamentlərarası əlaqələr daimi komissiyasının sədri, AŞPA-da Azərbaycan nümayəndə heyətinin rəhbəri Səməd Seyidov demişdir ki, qonaqlar mayın 13-də keçiriləcək təkrar seçkilərə hazırlığın vəziyyəti ilə tanış olacaq, bir sıra seçki dairəsinə baş çəkəcək, müxtəlif görüşlər keçirəcəklər. Təkrar seçkiləri axıra qədər izləyəcək müşahidəçilər sonda yekun rəy hazırlayacaqlar və məruzə AŞPA-nın yay sessiyasında müzakirə olunacaqdır.
Bölmənin digər xəbərləri
