CƏMİYYƏT
AVROPALILAR SAĞLAMLIĞIN QƏDRİNİ BİLİRLƏR
Səğlamlığın qədrini yaxşı bilən avropalılar ətraf mühitin çirklənməsinin qarşısını almaq, şəhərlərdə səs-küyü, yollarda nəqliyyat qəzalarının sayını qismən azaltmaq məqsədi ilə sentyabrın 16-dan 22-dək aksiya keçirməyi qərara almışlar. Avropanın 17 ölkəsindən 866 şəhər artıq bu işə qoşulmuşdur.
Aksiyanın təşəbbüsçüsü olan Fransanın 72 şəhərinin sakinləri həftə ərzində hamılıqla ancaq piyada hərəkət etməyi, nəqliyyat vasitəsi kimi yalnız velosipeddən istifadə etməyi qərara almışlar. Keçirilən sorğunun iştirakçılarının əksəriyyəti insanın həyatını daim təhlükə qarşısında qoyan, ətraf mühitin çirklənməsində əsas rol oynayan avtomobildən həmin dövrdə istifadə etməyəcəklərini, Hollandiya və Almaniya sakinləri kimi, piyada gəzməyə, nəqliyyat vasitəsi kimi ancaq velosipedə üstünlük verəcəklərini bildirmişlər.