AVTOMOBİL QƏZALARI ÖLÜMLƏ NƏTİCƏLƏNMİŞDİR

15.11.2006 [23:35]
Çap et
A⁺ A^-

AZƏRTAC xəbər verir ki, paytaxtın Atatürk prospektində M.Rəsulzadə qəsəbəsinin sakini Abbasəli Ələkbərov “BMW” markalı avtomaşınla hələlik şəxsiyyəti məlum olmayan 25-30 yaşlı kişini vurmuşdur. Xəstəxanaya yerləşdirilmiş yaralı orada ölmüşdür.

Xaçmaz rayonunun ərazisində Davud Davudov idarə etdiyi “QAZ-31029” markalı avtomaşınla Mirzəməmməd Nuriyevi vurub öldürmüşdür.

Qusar rayonunun ərazisində Altay Xammedov idarə etdiyi “Mersedes Benz” markalı avtomaşını ağaca vurmuşdur. Nəticədə Nuber Kelbaliyev hadisə yerində ölmüş, A.Xammedov və digər sərnişini Niyazi Məmmədəliyev xəstəxanaya yerləşdirilmişlər.

Bakı-Qazax yolunun Tovuz rayonu ərazisindən keçən hissəsində isə İlqar Hüseynovun “VAZ-2101” və Arif Əlirzayevin “VAZ-21120” markalı avtomaşınlarının toqquşması dörd nəfərin yaralanmasına səbəb olmuşdur.

Faktlarla bağlı cinayət işi açılmışdır, təhqiqat aparılır.

AVTOMOBİL QƏZALARI ÖLÜMLƏ NƏTİCƏLƏNMİŞDİR

MÜƏLLİFLƏ ƏLAQƏ

Bölmənin digər xəbərləri