Avtoyuma məntəqəsindən oğurluq etməkdə şübhəli bilinən şəxs yaxalanıb
Bakı, 2 may, AZƏRTAC
Nizami və Nəsimi rayonlarında oğurluqla məşğul olan şəxslər yaxalanıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, Nizami Rayon Polis İdarəsinin 24-cü polis şöbəsi əməkdaşlarının keçirdikləri əməliyyat tədbiri nəticəsində rayondakı avtoyuma məntəqələrinin birindən 300 manat pul və 605 manat dəyərində məişət əşyaları oğurlamaqda şübhəli bilinən Bakı şəhər sakini Ə.Abbasov saxlanılıb, digər bir nəfərin isə şəxsiyyəti müəyyənləşdirilib.
Nəsimi rayonunda isə A.Əliyevə məxsus “VAZ-2101” markalı avtomobilin dövlət qeydiyyat nişanlarını oğurlamaqda şübhəli bilinən Bakı şəhər sakinləri R.Yusifov və R.Məmmədov rayon polis idarəsinin 20-ci polis bölməsi əməkdaşlarının keçirdikləri əməliyyat-axtarış tədbirləri nəticəsində tutulub.
Faktlarla bağlı araşdırma aparılır.
Bölmənin digər xəbərləri
