AYİB AZƏRBAYCANDA FƏALİYYƏT GÖSTƏRƏN KİÇİK VƏ ORTAMİQYASLI ŞİRKƏTLƏRƏ KREDİT XƏTTİ AÇIR
Kredit xətti Azərbaycan banklarına kreditlər çərçivəsində “AzəriQazBank”ın adına açılmışdır. Məbləğ 100 ABŞ dollarından 400 min dollara qədərdir və “AzəriQazBank”ın mikro və kiçikmiqyaslı müəssisələr olan müştərilərinə kreditgötürmə tələblərinə əsasən ayrılacaqdır. Maliyyə vəsaitinin ayrılması xüsusilə Bakıdan kənarda sahibkarlıq fəaliyətinin dəstəklənilməsinə yönəldilmişdir. AYİB kreditalma prosesində iştirak edən banklara bu xidmətin gələcəkdə rayonlarda da tətbiq edilməsinə kömək üçün texniki əməkdaşlıq da təklif etmişdir.
“AzəriQazBank” AYİB-in ötən ildən həyata keçirilməyə başladığı proqrama daxil edilmiş dördüncü Azərbaycan bankıdır. Proqramdan məqsəd kiçik müəssisələrə kredit ayrılmasında rəsmi maliyyə bazarından istifadə etmək işində texniki dəstək göstərilməsidir.
Beşillik kredit xətti hərəsi 1 milyon ABŞ dollarına bərabər olan iki hissəyə - mikro və kiçikmiqyaslı müəssisələr (MKM) və kiçik və ortamiqyaslı müəssisələr (KOM) üçün bölünəcəkdir. Bu kredit xətti “AzəriQazBank”a göstərilən kreditvermə əməliyyatlarını gələcəkdə rayonlarda da, o cümlədən Şamaxı, Gəncə və Lənkəranda tətbiq etmək imkanı yaradacaqdır.
Bölmənin digər xəbərləri
