Azərbaycan Dövlət İnformasiya Agentliyi

İQTİSADİYYAT

AYİB AZƏRBAYCANDA MİKROMALİYYƏLƏŞDİRMƏNİ GENİŞLƏNDİRİR

17.11.2006 [08:24]
Çap et
A⁺ A^-

AZƏRTAC xəbər verir ki, Avropa Yenidənqurma və İnkişaf Bankı (AYİB) Azərbaycanda bankları maliyyələşdirmə sistemi çərçivəsində mikro, kiçik və orta sahibkarlığa dəstək məqsədi ilə əlavə 40 milyon ABŞ dolları vəsait ayırmışdır.

Artıq “Rabitəbank” və “FİNCA Azərbaycan”ın hər birinə 3 milyon dollar ilk kredit verilmişdir. Bu vəsaitlər kəndlərdə mikro, kiçik və orta sahibkarlığın inkişafına yönəldiləcəkdir.

Hər iki kredit AYİB-də təsis edilmiş və mikro, kiçik və orta sahibkarlığın kommersiya müəssisələri tərəfindən ayrılmış maliyyə vəsaitindən şəffaf və səmərəli istifadə etməsi üçün bp-nin başladığı Regional İnkişaf Təşəbbüsü (RDİ) proqramının tərkib hissəsi olan RDİ Xüsusi Fondu tərəfindən maliyyələşdirilmişdir.