AZƏRBAYCAN - FİNLANDİYA GÖRÜŞÜNÜ ŞOTLANDİYALI HAKİMLƏR QRUPU İDARƏ EDƏCƏKDİR
Azərbaycan milli fitbol komandasının 2010-cu il dünya çempionatının seçmə mərhələsi çərçivəsində oktyabrın 11-də Finlandiya ilə keçirəcəyi oyunu idarə edəcək hakimlər müəyyənləşmişdir.
AZƏRTAC AFFA-nın saytına istinadla xəbər verir ki, Helsinki şəhərindəki “Olimpiya” stadionunda Bakı vaxtı ilə saat 19:00-da başlayacaq oyunu şotlandiyalı Uilyam Kollum idarə edəcəkdir. Ona həmyerliləri Kit Sorbi, Corc Drummond və Robertson Brayns yardımçı olacaqlar.
29 yaşlı U. Kollum 2006-cı ildən FİFA hakimidir və ilk dəfədir Azərbaycanın oyununa təyinat alır.
Şotland hakimlərin idarəçiliyinə UEFA-nın hakim-inspektoru, belçikalı Mişel Piro qiymət verəcəkdir.
Azərbaycan yığmasının indiyədək Finlandiya ilə keçirdiyi hər üç səfər matçını Alan Hamer (Lüksemburq) idarə etmişdir və bu oyunlarda komandamız məğlub olmuşdur.
Bölmənin digər xəbərləri
