ELM VƏ TƏHSİL
Azərbaycan alimləri Çex Respublikasında beynəlxalq konfransda iştirak etmişlər
Bakı, 30 oktyabr (AZƏRTAC). AMEA-nın əməkdaşları Çex Respublikasının paytaxtı Praqa şəhərində keçirilən “Texnologiyaların transferi və innovasiya” mövzusunda Beynəlxalq elmi-praktik konfransda iştirak etmişlər.
AMEA-dan AZƏRTAC-a bildirmişlər ki, konfransda elmi-tədqiqatların iqtisadiyyatda tətbiqi, elmi-tədqiqat strukturları və biznes qurumlarının əməkdaşlıq imkanları, innovasiya problemlərinin həlli yolları, texnologiya transferi məsələləri müzakirə edilmişdir.
Beynəlxalq tədbirdə AMEA prezidentinin müşaviri, akademiyanın rəyasət heyətinin mərkəzi aparatının innovasiya şöbəsinin rəisi Rəhim Hüseynov və İqtisadiyyat İnstitutunun elmi işlər üzrə direktor müavini, iqtisad üzrə fəlsəfə doktoru Allahyar Muradov iştirak etmişlər.
Onlar digər ölkələrin müvafiq qurumlarının nümayəndələri ilə əməkdaşlıq imkanları barəsində ikitərəfli danışıqlar aparmışlar.