AZƏRBAYCAN ALPİNİSTLƏRİ ŞAHDAĞI FƏTH ETMİŞLƏR
AZƏRTAC xəbər verir ki, Azərbaycan alpinistləri Şahdağa (4243 metr) yürüş təşkil etmişlər. Beş gün davam edən yürüşdə 22 nəfər alpinistdən zirvəyə 8 idmançı qalxa bilmişdir.
Respublika Alpinist-Turist Klubunun sədri Saridan Mürsəqulov bildirmişdir ki, fevralda Şahdağın yamacındakı şəlalə və çaylar buz bağladığından zirvəyə aparan ən çətin marşrutu sınaqdan keçirmək üçün əlverişli imkan yaranmışdır. Kəskin hava şəraiti və çətin keçilən buzlaqlara baxmayaraq, alpinistlər Azərbaycanın dövlət bayrağını Şahdağın ən yüksək nöqtəsinə sancmışlar.
Ənənəvi olaraq, hər il Şahdağa keçirilən yürüş təlim-məşq xarakteri daşıyır. Belə ki, apreldə Gürcüstanın müstəqillik günü ilə əlaqədar Kazbek (5033 metr) dağına yürüşə qatılacaq Azərbaycan alpinistləri, mayda Qusar rayonu ərazisində ümummilli lider Heydər Əliyevin adını daşıyan uca dağ zirvəsinə (3763 metr) beynəlxalq yürüş təşkil edəcəklər.
Bölmənin digər xəbərləri
