AZƏRBAYCAN ATLETLƏRİ BEYNƏLXALQ “ÜMİD KUBOKU” TURNİRİNDƏ BİR QIZIL VƏ BİR GÜMÜŞ MEDAL QAZANMIŞLAR
Moskvada atletika üzrə beynəlxalq “Ümid Kuboku” turnirinə yekun vurulmuşdur.
AZƏRTAC xəbər verir ki, Beynəlxalq Atletika Federasiyaları Assosiasiyası (İAAF) Moskva Regional İnkişaf Mərkəzinin sayca üçüncü turniri olan bu yarış da Azərbaycan idmançıları üçün uğurlu olmuşdur.
Ramil Quliyev 60 metrlik məsafəni 6,91 saniyəyə qaçaraq fəxri kürsünün ən yüksək pilləsinə qalxmışdır. Üç təkanla uzunluğa tullanma yarışlarında isə azərbaycanlı atlet Ruslan Panasenko 15,10 metr nəticə ilə gümüş medala layiq görülmüşdür.
Xatırladaq ki, İAAF-ın Moskva Regional Mərkəzinin təşkilatçılığı ilə keçirilən birinci turnirdə də R.Quliyev qızıl, R. Panasenko isə bürünc medala sahib olmuşdular.
Bölmənin digər xəbərləri
