AZƏRBAYCAN BİLİCİLƏRİ “BİLİK SPARTAKİADASI-2009” YARIŞLARINDA İŞTİRAK EDİRLƏR
Bakı, 29 oktyabr (AZƏRTAC). Oktyabrın 29-dan noyabrın 1-dək İsrailin cənubundakı Eylat şəhərində “Nə? Harada? Nə vaxt?” ümumdünya bilicilər oyunlarının “Bilik Spartakiadası-2009” beynəlxalq turniri keçirilir. Oyunlarda 12 ölkədən 400 bilici iştirak edir.
Eylatda keçirilən Ümumdünya Bilicilər Oyunlarında 150 əcnəbi qonaq, o cümlədən Azərbaycan, Rusiya, Ukrayna, ABŞ, Kanada, Almaniya, Çexiya, Özbəkistan, Gürcüstandan 15 komanda iştirak edir. Yarışları İnternet vasitəsi ilə zəka oyunlarının on minlərlə azarkeşi izləyir. “Bilik Spartakiadası”nın keçirilməsi üçün 180.000 dollar ayrılmışdır.
Eylatda “Nə? Harada? Nə vaxt?” teleklubunun məşhur oyunçuları iştirak edirlər. Onların arasında Aleksand Druz, Maksim Potaşov, Sergey Nikolenko, Mixail Malkin, İlya Novikov, Maksim Russo və başqaları da vardır.
Bölmənin digər xəbərləri
