AZƏRBAYCAN FİLMLƏRİ İSTANBULDA NÜMAYİŞ ETDİRİLƏCƏKDİR
Dekabrin 20-dən 26-dək İstanbulda türkdilli dövlətlərin kino festivalı keçiriləcəkdir. Festivalda Azərbaycan, Qazaxıstan, Türkmənistan, Qırğızıstan, Tatarıstan və digər türkdilli respublikaların kinematoqrafçıları iştirak edəcəklər. Azərbaycanın kinematoqrafçıları Fikrət Əliyevin “Yuxu”, Hüseyn Mehdiyevin “Özgə vaxtı” bədii filmlərini, habelə “Sən həmişə bizimləsən” və “Arif Babayev” sənədli filmlərini tamaşaçıların mühakiməsinə təqdim edəcəklər.
Xatırladaq ki, İstanbulda birinci festival 1999-cu ilin dekabrında, ikincisi isə 2001-ci ilin yanvarında keçirilmişdi. Həmin festivalda Azərbaycan kinematoqrafçıları müxtəlif nominasiyalarda mükafatlara layiq görülmüş “Ailə”, “Otel otağı” bədii filmlərini və “Doqquz dəqiqə” sənədli filmini nümayiş etdirmişdilər.
Bölmənin digər xəbərləri
