Azərbaycan Gürcüstanın əsas neft bitumu tədarükçüsüdür
Tbilisi, 20 may, AZƏRTAC
Gürcüstan cari ilin yanvar-aprel ayları ərzində 7,8 min ton neft bitumu idxal edib. Bunun da 93,6 faizini Azərbaycandan alıb.
AZƏRTAC xəbər verir ki, bu barədə Gürcüstanın Neft Məhsulları İdxalçıları Birliyindən məlumat yayıb.
Bildirilib ki, Gürcüstan idxal etdiyi məhsulun 7,3 min tonunu və ya 93,6 faizini Azərbaycandan alıb. Qalan 0,5 ton məhsul isə Türkmənistandan idxal edilib.
Hesabat dövründə Gürcüstan 18,1 min ton neft məhsulları tədarük edib. Bunun da 16 min tonu və ya 88,4 faizi Azərbaycanın payına düşüb.
Azərbaycan hər iki göstərici ilə Gürcüstana neft məhsulları və bitum ixrac edən ölkələr sırasında birinci yerdədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
