AZƏRBAYCAN HƏRBÇİLƏRİ NATO-NUN TƏDBİRLƏRİNDƏ İŞTİRAK EDİRLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO-nun “Sülh naminə tərəfdaşlıq” Proqramı çərçivəsində mayın 12-dən 16-dək Bakıda “Kimyəvi maddələrin dağıdılmasının nəticələrinin aradan qaldırılması zamanı həyata keçirilən tədbirlər” mövzusunda beynəlxalq təlim, Londonda “Vyana-99” sənədi çərçivəsində hərbi hissəyə səfər, Almaniyanın Oberammerqau şəhərində “NATO-nun Sülhü Dəstəkləmə Əməliyyatları” kursu keçirilir.
Mayın 13-dən 15-dək Bakıda “Eternity-2008” kompyuter dəstəkli komanda qərargah təliminin ilkin planlaşdırma konfransı, mayın 13-dən 20-dək Almaniyanın Baumholder şəhərində “Combined Endeavor- 2008” təliminin yüksək səviyyəli qonaqlar günü, mayın 14-dən 15-dək Kopenhagen şəhərində (Danimarka) koalisiyaya üzv olan dövlətlərin 6-cı planlaşdırma konfransı, mayın 15-də Belçikanın Mons şəhərində “Əməliyyatlar üzrə müttəfiq komandanlığın hərbi əməkdaşlıq sahəsində hazırlıq” işçi görüşü, Brüsseldə Avratlantik Tərəfdaşlıq Şurasının Hərbi Komitəsinin Baş Qərargah rəisləri səviyyəsində növbəti görüşü, mayın 16-da Bakıda “Azərbaycan Respublikası Silahlı Qüvvələrində kütləvi informasiya vasitələri ilə münasibətlərin tənzimlənməsi qaydaları”mövzusunda seminar, mayın 16-dan avqustun 8-dək Almaniyanın Qarmiş-Partenkirxen şəhərində “C.Marşal adına Avropa Təhlükəsizlik Araşdırmaları Mərkəzinin Ali Təhlükəsizlik Araşdırmaları proqramı çərçivəsində” növbəti kursu, mayın 18-dən 24-dək Qazaxıstanın Almatı şəhərində “Qərargah zabitləri üçün tanışlıq” kursu keçiriləcəkdir.
NATO ilə Azərbaycan Respublikası arasında imzalanmış fərdi proqrama uyğun olaraq, həmin tədbirlərdə Silahlı Qüvvələrimizin nümayəndələri də iştirak edirlər.
Bölmənin digər xəbərləri
