AZƏRBAYCAN İDMANÇILARI UNİVERSAL DÖYÜŞ ÜZRƏ DÜNYA ÇEMPİONATINDA İŞTİRAK EDƏCƏKLƏR
AZƏRTAC xəbər verir ki, oktyabrın 22-də Azərbaycan idmançıları Kalininqradda keçiriləcək universal döyüş üzrə dünya çempionatında iştirak edəcəklər.
Dünya birinciliyində kişilərlə bərabər qadınlar da mübarizə aparacaqlar. Kişilərin yarışında ölkəmizin idman şərəfini Mansur Hüseynov, Fəqan Məmmədov ( hər ikisi 60 kq), Məcnun Əhmədov (65 kq), Xəyyam Səfixanov, Xamis Məmmədov ( hər ikisi 70 kq), Nicat Talıbov (75 kq), Kənan Mehdiyev (80 kq), Əli Mirələkbərli (85 kq), Anar Məmmədov (90 kq) və Valeh Əmiralıyev (95 kq) qoruyacaqlar.
Qadınların mübarizəsində isə birincilik üğrunda döyüşə Nazənin Məmmədova (48 kq), Afaq Sultanova (52 kq), Gülsədəf Kərimova (63 kq) və Aynur Rzayeva (78 kq-dan yuxarı) qatılacaqlar.
Xatırladaq ki, Azərbaycan və Ukraynada keçirilmiş unversal döyüş üzrə dünya birinciliklərində idmançılarımız bir qızıl, 3 gümüş və 4 bürünc medal qazanmışlar.
Bölmənin digər xəbərləri
