AZƏRBAYCAN İDMANÇILARININ PEKİN YAY PARALİMPİYA OYUNLARINDA QAZANDIQLARI MEDALLARIN SAYI 6-YA ÇATMIŞDIR
AZƏRTAC xəbər verir ki, XIII Pekin Yay Paralimpiya oyunlarında iştirak edən Azərbaycan yığmasının üzvü - atlet Zeyniddin Bilalov komandamıza sentyabrın 12-də daha bir medal qazandırmışdır.
Üç təkanla tullanma yarışında mübarizə aparan Z.Bilalov gümüş medala layiq görülmüşdür. Bununla da, paralimpiyaçılarımızın qazandığı medalların sayı 6-ya çatmışdır. Bundan əvvəl isə idmançılarımız İlham Zəkiyev qızıl, Tofiq Məmmədov və Kərim Sərdarov gümüş, Ramin İbrahimov və Vladimir Zayets isə bürünc medal qazanmışlar.
Beləliklə, Azərbaycan yığması medal qazanan ölkələrin siyahısında 32-ci pillədə qərarlaşmışdır.
Bölmənin digər xəbərləri
