AZƏRBAYCAN İDMANÇISI İKİNCİ DƏFƏ CÜDO ÜZRƏ PARALİMPİYA ÇEMPİONU ADINI QAZANMIŞDIR
AZƏRTAC xəbər verir ki, Pekində XIII Yay Paralimpiya Oyunlarının 3-cü günü idmançılarımız cüdo və yüngül atletika yarışlarında mübarizəyə qoşulmuşlar.
Ən ağır çəkili cüdoçuların yarışında mübarizə aparan İlham Zəkiyev (100 kq-dan çox) bütün rəqiblərinə qalib gələrək, fəxri kürsünün ən yüksək pilləsinə qalxmışdır. Bununla da o, ikinci dəfə cüdo üzrə paralimpiya çempionu adını qazanmışdır.
Çəkisi 90 kiloqram olan cüdoçuların yarışında Tofiq Məmmədov finalda Rusiya, Kərim Sərdarov (100 kq) isə eyni mərhələdə Braziliya idmançısına uduzaraq gümüş medalla kifayətlənmişlər.
Xatirladaq ki, Pekində keçirilən XIII Yay Paralimpiya Oyunlarında indiyədək cüdo yarışlarında Ramin İbrahimov (60 kq) və üç təkanla tullanmada Vladimir Zayets bürünc medal qazanmışlar. Bununla da, 18 idmançıdan ibarət milli komandamızın hesabındakı medalların sayı 5-ə çatmışdır. Bu günədək 1 qızıl, 2 gümüş, 2 bürünc mükafata sahib çıxmış Azərbaycan medal qazanan ölkələrin siyahısında 25-ci pilləyə qalxmışdır.
Pekin Paralimpiya Oyunlarına sentyabrın 17-də yekun vurulacaqdır.
Bölmənin digər xəbərləri
