Azərbaycan internet azadlığının ən yüksək səviyyədə təmin olunduğu ölkələrdən biridir
Bakı, 13 aprel, AZƏRTAC
Son illərdə Azərbaycanda təhsilin inkişafı, məktəblərin maddi texniki bazasının yaxşılaşdırılması, güclü kadr potensialının formalaşdırılması istiqamətində ardıcıl islahatlar həyata keçirilir. Bu islahatların başlıca məqsədi ölkəmizdə təhsilin keyfiyyətinin yüksəldilməsinə nail olmaq, savadlı, geniş intellektual imkanlara malik, vətənpərvər nəslin yetişdirilməsidir. Təkcə bir faktı qeyd etmək kifayətdir ki, son 15 ildə Azərbaycanda 3200 məktəb tikilərək istifadəyə verilib. Bu proses bu gün də davam edir.
AZƏRTAC xəbər verir ki, bunu Milli Məclisin deputatı Ramin Məmmədov deyib.
Deputat qeyd edib ki, COVID-19 pandemiyasının yaratdığı çətinliklər məsafədən təhsil sisteminin tətbiqini zərurətə çevirib. Azərbaycan internet azadlığının ən yüksək səviyyədə təmin olunduğu ölkələrdən biridir. Buna baxmayaraq, informasiya və kommunikasiya texnologiyalarına əlçatanlığın təmin edilməsi istiqamətində həyata keçirilən tədbirlərin sürətləndirilməsinə ehtiyac yaranıb. Bu məsələdə xüsusilə pandemiyanın əyani təhsilə yaratdığı məhdudiyyətlərin mümkün nəticələri nəzərə alınmalıdır.
Bölmənin digər xəbərləri
