AZƏRBAYCAN İNTERNET QEYDİYYAT QURUMUNUN TƏQDİMAT MƏRASİMİ KEÇİRİLMİŞDİR
Rabitə və İnformasiya Texnologiyaları Nazirliyi telekommunikasiya şöbəsinin müdiri Əflatun Məmmədov, Milli Elmlər Akademiyası İnformasiya Texnologiyaları İnstitutunun direktoru, professor Rasim Əliquliyev, Azərbaycan İnternet Cəmiyyətinin sədri Qalib Qurbanov, Multimedia İnformasiya Sistemləri və Texnologiyaları Mərkəzinin direktoru Osman Gündüz və başqaları bildirmişlər ki, qurumun məqsədi milli internet ünvanlarının qeydiyyatını tənzimləmək, beynəlxalq standartlara uyğunlaşdırmaq və şəffaflığını təmin etməkdir. Azərbaycan Prezidenti İlham Əliyevin “Telekommunikasiya haqqında” Azərbaycan Respublikası Qanununun tətbiq edilməsi barədə” 2005-ci il 9 avqust tarixli Fərmanının Azərbaycanda internetin inkişafına təkan verdiyi diqqətə çatdırılmışdır. AİQQ-nin internetə dair problemlərlə məşğul olacağı və milli internet ünvanlarının inkişafına kömək göstərəcəyi də bildirilmişdir.
Sonda jurnalistlərin sualları cavablandırılmışdır.
