AZƏRBAYCAN KARATEÇİLƏRİ ÜMUMİ KOMANDA HESABINDA 3-CÜ YERİ TUTMUŞLAR

08.08.2006 [21:37]
Çap et
A⁺ A^-

AZƏRTAC xəbər verir ki, Nyu-York şəhərində 74 ölkədən 800-ə yaxın tələbənin 17 idman növü üzrə gücünü sınadığı V Ümumdünya Universiadasında Azərbaycan yığma komandası Milli Karate Federasiyasının prezidenti, VII dan qara kəmər sahibi Yaşar Bəşirovun rəhbərliyi altında çıxış etmişdir.

Şəxsi yarışlarda Rafael Ağayev (72 kq) və Amal Atayev (80 kq) bütün rəqiblərini məğlub edərək qızıl medallara sahib olmuşlar. Digər 5 idmançı isə bu yarışlarda uğursuz çıxış etsələr də, komanda hesablı turnirdə müsbət nəticələr göstərmişlər. Belə ki, Azərbaycan yığması ABŞ, Meksika, Qazaxıstan və Yaponiya komandalarını məğlub edərək yarımfinala çıxmış, bu mərhələdə isə Serbiya idmançılarına uduzaraq, ümumi komanda hesabında üçüncü yeri tutmuşdur.

Serbiya yığması birinci, Türkiyə komandası ikinci yerə çıxmışdır.