AZƏRBAYCAN KİKBOKSÇULARI DÜNYA ÇEMPİONATINDA DOQQUZ MEDALA SAHİB OLMUŞLAR
AZƏRTAC xəbər verir ki, Azərbaycan kikboksçuları Neapolda WAKO versiyası üzrə gənclər və yeniyetmələr arasında başa çatmış dünya çempionatında iki qızıl, bir gümüş və altı bürünc medal qazanmışlar. Qızıl medalları bütün rəqiblərinə qalib gəlmiş Şaban Şahpələngov və Elçin Bayramov qazanmışlar.
Qeyd edək ki, ilk dəfə olaraq Azərbaycan idmançıları gənclər arasında dünya çempionu tituluna sahib çıxmışlar.
Azərbaycan yığmasının heyətində Orman Səfərov gümüş, Kamran Orucov, Kamal Aslanov, Sərxan Mədətov, Məhəmməd Nəsirov, Zaur Ramazanov və Vaqif Bəhlulzadə bürünc medallara sahib olmuşlar.
Komanda hesabında Azərbaycan 42 ölkə arasında 9-cu yeri tutmuşdur.
Bölmənin digər xəbərləri
