AZƏRBAYCAN KOMPARATİV ƏDƏBİYYATŞÜNASLIQ ASSOSİASİYASI QEYDİYYATDAN KEÇMİŞDİR
Bu münasibətlə Beynəlxalq Komparativ Ədəbiyyatşünaslıq Assosiasiyasının baş katibi professor Steven Sondrup AzKƏA-nın sədrinə təbrik məktubu göndərmişdir.
Yeni qurumdan verilən məlumata görə, təşkilatın əsas məqsədi Azərbaycan, eləcə də dünya ədəbiyyatının, ədəbiyyatşünaslığının və mədəniyyətinin müxtəlif aspektlərdən öyrənilməsi, bu istiqamətdə nəzəriyyələrin araşdırılması, problemlərlə bağlı müxtəlif layihələrin həyata keçirilməsidir. Azərbaycan ədəbiyyatı və mədəniyyətinin həm respublikamızda, həm də ölkəmizdən xaricdə təbliğ edilməsi, dünya mədəniyyəti nümunələrinin öyrənilməsi də AzKƏA-nın əsas məqsədlərindəndir. Assosiasiyaya humanitar elmlərin araşdırıcıları, müvafiq akademik təşkilatlar, kafedralar, cəmiyyətlər və s. üzv ola bilərlər.
AzKƏA-nın təşəbbüskarı Bakı Slavyan Universitetinin professoru, filologiya elmləri doktoru Rəhilə Qeybullayevadır.
Bölmənin digər xəbərləri
