AZƏRBAYCAN MİKROMALİYYƏLƏŞDİRMƏ BANKI İSVEÇRƏNİN BLUEORCHARD FONDU İLƏ KREDİT MÜQAVİLƏSİ İMZALAMIŞDIR
Fondun 120 milyon dollarlıq istiqrazlarının satışından əldə edilən vəsait sonradan maliyyə təşkilatlarının kreditləşdirilməsinə yönəldilmişdir. BlueOrchard dünya üzrə təxminən 10 min mikromaliyyə təşkilatı (MMT) arasından gəlirliliyi, özünüdəstəkləmə və yüksək iş keyfiyyəti ilə fərqlənən MMT-ləri seçməyi qarşısına məqsəd qoyur. Məhz buna görə də Fond dünyanın cəmi 22 MMT-si ilə işləyir. Belə təşkilatlar arasında Azərbaycanı AMMB təmsil edir.
AMMB Azərbaycanın kreditləşmə bazarında liderlərdən biridir. İndiyədək bank ümumi həcmi 52 milyon dollardan çox olan təxminən 20 min kredit vermişdir. Bundan əlavə, AMMB müştərilərinə hərtərəfli bank xidmətləri də təklif edir.
Xatırladaq ki, AMMB-nin təsisçiləri beynəlxalq maliyyə təsisatları olan Avropa Yenidənqurma və İnkişaf Bankı, Beynəlxalq Maliyyə Korporasiyası, Qara Dəniz Ticarət və İnkişaf Bankı, KfW və Almaniyanın LFS Financial Systems GmbH konsaltinq firmasıdır. Bankı Avropa İttifaqı və Almaniyanın Texniki Yardım Fondu (GTZ) da dəstəkləyir.
Bölmənin digər xəbərləri
