Azərbaycan millisi Avropa çempionatının seçmə mərhələsinə qələbə ilə başlayıb
Bakı, 29 yanvar, AZƏRTAC
Futzal üzrə Azərbaycan millisi Avropa çempionatının seçmə mərhələsinə qələbə ilə başlayıb.
AZƏRTAC xəbər verir ki, millimiz yanvarın 29-da Slovakiya yığmasını qəbul edib.
Bakı İdman Sarayında keçirilən oyunda Azərbaycan millisi 4:1 hesablı qələbə qazanıb.
Millimizin heyətində Bolinha, Qalo, Xətai Bağırov və İsa Atayev fərqləniblər.
Yığmamız növbəti oyununu fevralın 2-də Afinada Yunanıstan seçməsinə qarşı keçirəcək.
Qeyd edək ki, bu oyun Azərbaycan millisinin Slovakiya yığması ilə sayca 7-ci dueli olub. Komandalar müxtəlif vaxtlarda 6 rəsmi oyun keçiriblər. Bu matçların 3-də millimiz qələbə qazanıb, iki qarşılaşmada isə heç-heçə qeydə alınıb. Yalnız ilk oyunda qələbəni rəqibimiz aktivinə yazdırıb.
Bölmənin digər xəbərləri
