İDMAN
Azərbaycan millisinin baş məşqçisi Dünya Güləş Birliyinin yeni təlimatçısı seçilib
Bakı, 22 noyabr, AZƏRTAC
Çimərlik güləşi üzrə Azərbaycan milli komandasının baş məşqçisi Oyan Nəzəriani Dünya Güləş Birliyinin (UWW) yeni təlimatçısı seçilib.
Azərbaycan Güləş Federasiyasından AZƏRTAC-a verilən məlumata görə, gənc mütəxəssis yeni funksiyasını 2025-2026-cı illər ərzində UWW-nin müxtəlif ölkələrdə keçirəcəyi nəzəri və praktiki təlimlərdən ibarət olan məşqçilik kurslarında icra edəcək.
Qeyd edək ki, gələn il ilk belə tədbir yanvarın 23-26-da Serbiyada təşkil olunacaq.
