RƏSMİ XRONİKA
AZƏRBAYCAN PREZİDENTİ İLHAM ƏLİYEV TÜRKİYƏNİN ANTALYA ŞƏHƏRİNƏ GƏLMİŞDİR
AZƏRTAC-ın xüsusi müxbiri xəbər verir ki, Azərbaycan Respublikasının Prezidenti İlham Əliyev Türkdilli dövlətlərin və topluluqların 10-cu dostluq, qardaşlıq və əməkdaşlıq qurultayında iştirak etmək üçün sentyabrın 17-də Türkiyənin Antalya şəhərinə gəlmişdir.
Antalyanın hava limanında dövlətimizin başçısının şərəfinə fəxri qarovul dəstəsi düzülmüşdü.
Hava limanında Prezident İlham Əliyevi və xanımı Mehriban Əliyevanı Antalya şəhərinin bələdiyyə başçısı Minderes Kürel, digər rəsmi şəxslər böyük hörmət və ehtiramla qarşıladılar. Azərbaycan Prezidenti İlham Əliyevə və xanımı Mehriban Əliyevaya milli geyimli oğlan və qız gül dəstəsi təqdim etdilər.
Azərbaycan Prezidenti İlham Əliyev hava limanından onun üçün ayrılmış iqamətgaha yola düşdü.
Bölmənin digər xəbərləri
