AZƏRBAYCAN QEYRİ-QANUNİ “QARABAĞ TELECOM”UN FƏALİYYƏTİNƏ İMKAN VERMƏYƏCƏKDİR

20.10.2004 [20:53]
Çap et
A⁺ A^-

Rabitə və informasiya texnologiyaları naziri Əli Abbasov AZƏRTAC-ın müxbirinə bildirmişdir ki, işğal olunmuş Azərbaycan ərazilərində mobil rabitə xidməti göstərən qeyri-qanuni “Qarabağ telecom”un öz rouminq fəaliyyətini genişləndirməsi Azərbaycan hökumətinin haqlı narazılığına səbəb olmuşdur. Bu məqsədlə nazirlik Beynəlxalq GSM Assosiasiyası ilə yazışmalar aparır.

Xatırladaq ki, bu ilin iyulunda Azərbaycan hökumətinin müraciətlərini nəzərə alan GSM Assosiasiyası “Qarabağ telecomu” öz üzvlüyündən çıxarmışdı. İndi isə Beynəlxalq GSM Assosiasiyası əsasnaməsinin 6.10-cu və 6.4-cü bəndlərini əsas tutan ermənilər apellyasiya şikayəti vermiş və öz üzvlüklərini bərpa etdirmək məqsədi ilə bütün mobil operatorlara müraciət etmişlər. Ermənilər 71 faiz səs topladıqları təqdirdə yenidən Assosiasiyanın üzvü seçilə bilərlər. Nazir bildirmişdir ki, “Qarabağ telecom” təkcə respublikamızın deyil, eləcə də beynəlxalq qanunların tələblərini pozmaqda davam edir. Azərbaycan hökuməti buna yol verməyəcək və bu məqsədlə bütün imkanlardan istifadə edəcəkdir.

AZƏRBAYCAN QEYRİ-QANUNİ “QARABAĞ TELECOM”UN FƏALİYYƏTİNƏ İMKAN VERMƏYƏCƏKDİR

MÜƏLLİFLƏ ƏLAQƏ

Bölmənin digər xəbərləri