AZƏRBAYCAN QROSSMEYSTERİ VÜQAR HƏŞİMOV DÜNYANIN ƏN GÜCLÜ 10 ŞAHMATÇISI SIRASINDADIR
Bakı, 2 noyabr (AZƏRTAC). Beynəlxalq Şahmat Federasiyası (FİDE) 2009-cu ilin noyabr ayı üçün dünyanın ən güclü 25 şahmatçısının reytinq cədvəlini açıqlamışdır.
Azərbaycan şahmat məktəbinin yetirməsi, Avropa çempionu Vüqar Həşimov (2758) ilk dəfə olaraq, FİDE-nin reytinq cədvəlində 6-cı pilləyə yüksəlmişdir.
İlk onluqda yer almış digər şahmatçılar aşağıdakılardır: 1. Veselin Topalov (2810), 2. Maqnus Karlsen (2801), 3. Vişvanatan Anand (2788), 4. Levon Aronyan (2786), 5. Vladimir Kramnik (2772), 7. Boris Gelfand (2758), 8. Peter Svidler (2754), 9. Peter Leko (2752), 10. Aleksandr Morozeviç (2750).
Azərbaycan şahmatçılarından Teymur Rəcəbov (2748) reytinq cədvəlinin 11-ci, Şəhriyar Məmmədayrov (2719) isə 19-cu pilləsində qərarlaşmışlar.
Bölmənin digər xəbərləri
