AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ

21.09.2001 [18:28]
Çap et
A⁺ A^-

Zati-aliləri,

Mən “Neftçilər günü” münasibətilə Sizə ən səmimi və ürəkdən gələn arzularımı çatdırmaqdan və Azərbaycan xalqına sülh və əmin-amanlıq diləməkdən olduqca məmnunam.

Azərbaycanın mühüm neft ehtiyatlarına malik olması faktı artıq hamıya məlumdur. Müstəqillik əldə etdikdən sonra Azərbaycan dünyanın ən tanınmış neft şirkətlərinin maraq mərkəzinə çevrilərək, dünya bazarlarına neft məhsulları ixracçısı və enerji ehtiyatlarının təchizatçısı adını qazanmışdır. İnanıram ki, Sizin yürütdüyünüz neft strategiyası Avropanın siyasi və iqtisadi strukturlarına Azərbaycanın sürətli inteqrasiyasına kömək edəcək və Cənubi Qafqaz regionunda sülh və sabitliyin inkişafına öz töhfəsini verəcəkdir.

Fürsətdən istifadə edərək, Rumıniyanın bütün sahələrdə ikitərəfli əməkdaşlığı inkişaf etdirmək marağında olduğunu bir daha ifadə edirəm.

Zati-aliləri, yüksək məsuliyyətli işinizdə Sizə yeni nailiyyətlər, uğurlar və cansağlığı arzulayıram.

Hörmətlə,

İon İliyesku

Rumıniyanın Prezidenti

Buxarest şəhəri, sentyabr, 2001-ci il