AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
İcazə verin, Azərbaycan Respublikasının Prezidenti kimi yüksək vəzifəyə başlamağınız münasibətilə Sizi Rusiyanın “Tribuna” ümummilli qəzetinin kollektivi adından təbrik edək.
Qəzetimizi Azərbaycanla çoxdan və sıx əlaqələr bağlayır. Əsası hələ “Tribuna”nın sələfi olan “Sosialistiçeskaya industriya”nın dövründə qoyulan bu əlaqələri saxlamaq çətin deyildi, çünki atanız Rusiya-Azərbaycan münasibətlərinin inkişafı işində mətbuata həmişə kömək edirdi. Əminəm ki, bu varisliyi Siz də qoruyub saxlayacaqsınız.
Sizə möhkəm cansağlığı, xoşbəxtlik və yeni yüksək vəzifədə uğurlar arzulayıram. Sizə və xalqınıza dost olan “Tribuna” qəzetinin əlindən gələn köməyinə həmişə ümid bəsləyə bilərsiniz.
Hörmətlə,
V.Simonov
Baş redaktor V.Yurlov
Baş direktor
Moskva, 30 oktyabr 2003-cü il.
Bölmənin digər xəbərləri
