AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Zəmanəmizin görkəmli dövlət və siyasi xadimi, möhtərəm Heydər Əlirza oğlu Əliyevin vəfatı barədə kədərli xəbəri Dağıstanda dərin hüznlə qarşıladılar. Bu ağır itki ilə əlaqədar Sizə, bütün Azərbaycan xalqına səmimi və dərin hüznlə başsağlığı verirəm. Həyatdan elə bir insan getdi ki, onun çoxşaxəli fəaliyyəti öz ölkəsinin və xalqının rifahının yüksəldilməsinə yönəldilmişdi, onun sayəsində Azərbaycanda sülh və həmrəylik bərqərar olmuşdur, dövlətçilik möhkəmlənmiş və yeni inkişaf tapmış, iqtisadi sahədə mühüm islahatlar aparılmışdır.
Dağıstanlılar Heydər Əlirza oğlunu yaxşı tanıyırdılar və onun Dağıstana xoş münasibətini həmişə xatırlayacaqlar, çünki onun bu münasibəti sayəsində xalqlarımız arasında dostluq və mehriban qonşuluq ənənələri yaranmışdır və uzun illərdən bəri mövcuddur. Onun adı xatirimizdə həmişəlik qalacaqdır. Bu əvəzolunmaz itkinin kədərini Sizinlə bölüşür, təsəlli sözlərimi qohumlarınıza və yaxınlarınıza yetirməyi xahiş edirəm.
Məhəmmədəli Məhəmmədov
Dağıstan Respublikası Dövlət Şurasının sədri
Mahaçqala, 13 dekabr 2003-cü il.
Bölmənin digər xəbərləri
