AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının milli bayramı – Müstəqilliyin 15-ci ildönümü münasibətilə Sizi və bütün qardaş Azərbaycan xalqını ürəkdən təbrik edirəm.
Azərbaycan Respublikası müstəqillik əldə etdikdən sonra kifayət qədər mürəkkəb yol keçmişdir. Bugünkü sanballı nailiyyətlər ümummilli lider Heydər Əliyevin apardığı müdrik siyasətin nəticəsidir.
Məmnuniyyətlə qeyd etmək istərdim ki, Gürcüstanla Azərbaycan arasındakı strateji tərəfdaşlıq, – ölkələrimizin beynəlxalq nəqliyyat və energetika layihələrində iştirakı buna sübutdur, – uğurla inkişaf edir və iki xalqın ənənəvi dostluğunun və tərəqqisinin dərinləşməsinə, habelə regionda sabitliyin və təhlükəsizliyin möhkəmlənməsinə yönəldilmişdir.
Fürsətdən istifadə edərək, Sizə möhkəm cansağlığı və uğurlar, qardaş Azərbaycan xalqına isə sülh və firavanlıq arzulamaq istərdim.
Dərin hörmətlə,
Mixail Saakaşvili
Gürcüstan Prezidenti
Bölmənin digər xəbərləri
