AZƏRBAYCAN ŞAHMATÇISI ÜLVİ BACARANİ AVROPA ÇEMPİONATINDA LİDERLƏR SIRASINDADIR
AZƏRTAC xəbər verir ki, Azərbaycan şahmatçısı Ülvi Bacarani Çernoqoriyada keçirilən Avropa çempionatında liderlik mövqeyini saxlamışdır.
On dörd yaşlıların qrupunda mübarizə aparan həmyerlimiz 6-cı turda ermənistanlı Karen Qriqoryanla görüşdə xalları yarı bölmüşdür. Bu turdan sonra 5 xal yığmış Ü.Bacarani beş şahmatçı ilə birgə liderlər sırasındadır.
Azərbaycan idmançıları digər yaş qruplarında da uğurlu çıxışlarını davam etdirirlər. Hazırda Ülviyyə Fətəliyeva (12 yaş) 4-cü, Aydan Höcətova (10 yaş) 6-cı, Xəyalə Abdulla (16 yaş) 9-cu yeri tutur.
İsveçrə sistemi ilə keçirilən turnirə sentyabrın 24-də yekun vurulacaqdır.
Bölmənin digər xəbərləri
