AZƏRBAYCAN SİLAHLI QÜVVƏLƏRİNİN MÖVQELƏRİ BİR NEÇƏ İSTİQAMƏTDƏN ATƏŞƏ MƏRUZ QALMIŞDIR
Müdafiə Nazirliyinin mətbuat xidmətindən AZƏRTAC-a bildirmişlər ki, Ermənistan Silahlı Qüvvələrinin bölmələri aprelin 21-də saat 21.05-dən 21.10-dək Berd rayonu Çinarlı kəndindəki mövqelərindən Azərbaycan Silahlı Qüvvələrinin Tovuz rayonunun ərazisində yerləşən mövqelərini, saat 18.00-dan 18.20-dək Gədəbəy rayonu ərazisindəki və aprelin 22-də saat 00.20-dən 00.40-dək Xocavənd rayonu ərazisindəki adsız yüksəkliklərdən, saat 01.30-dan 01.50-dək Tərtər rayonunun Yarımca kəndi yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşilə susdurulmuşdur. İtki yoxdur.
Bölmənin digər xəbərləri
