Azərbaycan şirkətləri Berlində öz məhsullarını təqdim edir
Berlin, 8 fevral, AZƏRTAC
Xəbər verdiyimiz kimi, fevralın 6-da Almaniyanın paytaxtı Berlində öz işinə başlayan “Fruit Logistica 2019” beynəlxalq meyvə və tərəvəz sərgisində Azərbaycan məhsulları da nümayiş olunur. Meyvə və tərəvəz istehsalı sahəsində fəaliyyət göstərən 14 Azərbaycan şirkəti öz məhsullarını “Made in Azerbaijan” vahid ölkə stendində təqdim edir.
Azərbaycanın Almaniyadakı səfiri Ramin Həsənov da sərgidəki milli stendimizə baş çəkib.
90-dan çox ölkədən təxminən 3200 eksponentin iştirak etdiyi sərgi şirkətlərə “B2B” formatlı müzakirələr üçün imkan yaradır. Sərgi öz işini bu gün yekunlaşdıracaq.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
