Azərbaycan Tibb Universitetinin əməkdaşı nüfuzlu jurnalın redaksiya heyətinə üzv seçilib
Bakı, 12 sentyabr, AZƏRTAC
Azərbaycan Tibb Universitetinin İnsan anatomiyası və tibbi terminologiya kafedrasının dosenti, tibb elmləri doktoru Səbinə Vaqif qızı Şadlinskaya nüfuzlu “Akta Elmi Qastrointestinal Pozulmalar” (“Acta Scientific Gastrointestinal Disorders”) jurnalının redaksiya heyətinin üzvü seçilib.
Bu barədə AZƏRTAC-a universitetin mətbuat xidmətindən məlumat verilib.
Bildirilib ki, jurnal nəzəri və praktik təbabətin müxtəlif sahələrini əhatə edən mövzularda məqalələr dərc edir. Qeyd etmək lazımdır ki, S.Şadlinskaya 2019-cu ildə “Dünya Araşdırma Şurası” (“World Research Council”) tərəfindən “İnsan anatomiyası üzrə ən yaxşı alim” (“Best Scientist in Human Anatomy”) fəxri adına və həmin təşkilatın medalına layiq görülüb.
Bölmənin digər xəbərləri
