AZƏRBAYCAN VƏ ERMƏNİSTANIN XARİCİ İŞLƏRNAZİRLƏRİ LONDONDA GÖRÜŞƏCƏKLƏR
Xarici İşlər Nazirliyinin mətbuat mərkəzindən AZƏRTAC-a bildirmişlər ki, nazir Elmar Məmmədyarov Ermənistan-Azərbaycan, Dağlıq Qarabağ münaqişəsinin sülh yolu ilə həllinə dair ermənistanlı həmkarı Vartan Oskanyanla danışıqlar aparmaq məqsədi ilə yanvarın 18-də Londona yola düşmüşdür.
Londonda əvvəlcə ATƏT-in Minsk qrupunun həmsədrləri Stiven Mənn (ABŞ), Yuri Merzlyakov (Rusiya), Bernar Fasye (Fransa) və təşkilatın hazırkı sədrinin şəxsi nümayəndəsi Anji Kaspşikin iştirakı ilə görüş keçiriləcəkdir.
Yanvarın 19-da nazirlərin təkbətək görüşündə isə Praqa prosesi çərçivəsində danışıqlar aparılacaq və prezidentlərin növbəti görüşünə hazırlıq məsələləri müzakirə ediləcəkdir.
Bölmənin digər xəbərləri
