AZƏRBAYCAN VƏ İRAQIN GƏNCLƏR VƏ İDMAN NAZİRLİKLƏRİ ARASINDA NİYYƏT PROTOKOLU İMZALANMIŞDIR
AZƏRTAC xəbər verir ki, sentyabrın 27-də Bakıda, “Gülüstan” sarayında Azərbaycan Respublikası Gənclər və İdman Nazirliyi ilə İraqın Gənclər və İdman Nazirliyi arasında niyyət protokolu imzalanmışdır.
Niyyət protokolunu gənclər və idman naziri Azad Rəhimov və İraqın gənclər və idman naziri Gasim Məhəmməd Cəfər imzalamışlar.
İmzalanma mərasimində nazir Azad Rəhimov demişdir ki, bu protokol ölkələr arasında gənclər, idman və təhsil sahəsində əməkdaşlıq əlaqələrinin inkişaf etdirilməsini, həmin istiqamətlərdə təcrübə mübadiləsinin aparılmasını nəzərdə tutur.
Nazir Gasim Məhəmməd Cəfər Azərbaycana səfərinin səmərəli keçdiyini, qarşılıqlı əməkdaşlığın hər iki tərəf üçün faydalı olacağına əminliyini bildirmişdir.
######
Bölmənin digər xəbərləri
